Il-Madonna f'Dar Evelina
(minn Qed Nistenniek Niezla max-Xita)

Kien iltaqa' maghha fil-Hungry Duck, fil-qalba ta' Moska, fejn sal-hdax u nofs ta' bil-lejl in-nisa jlegilgu li jridu b'xejn. It-tnejn inzertaw mal-bar. Hi b'Hanky-Panky. Hu b'Vodka Martini. L-ewwel raw it-tazzi. Imbaghad harsu lejn xulxin u ntebhu li - bhal speci - kienu wehidhom. U tiskanta kif kelma, anke fl-ingazzar ta' Moska, iggib l-ohra. U l-ghada filghodu staghgeb ftit ghax hu u hiereg mill-appartament daqs nitfa taghha, Evelina taghtu x'jifhem li xtaqet li jergghu jiltaqghu. U regghu.

U sitt xhur wara kienet mieghu, fid-dar li hallietlu nanntu, f'rahal zghir f'pajjiz daqs nitfa bejn Sqallija u l-Libja. Roza - ta' quddiem taghhom, li kienet tqarben lin-nisa xjuh - qalet li biex sab mara kellu jixtriha. Ohrajn elaboraw ftit izjed u qalu li xtraha minn fuq l-internet. U kien hemm min kien jitbissem x'hin jarahom. Bhallikieku kellhom xi haga tac-cajt. M'ghandniex xi nghidu - xi qassisin u dawk midhla ftit izzejjed taghhom kienu jharsu lejhom qishom qed jaraw lill-Iskarjota b'kaxxa Hopleaf f'idu. Ghax - ovvja - dawn kienu qed jghixu fid-dnub. Mhux talli qed jaghmlu s-sess qabel iz-zwieg, imma talli qed jirregolarizzaw l-irregolari. Ghax qed jghixu qishom mizzewgin. Anke ghand tal-grocer - marelli - gieli jmorru flimkien biex jixtru l-butir. U allura kienu jaghtuhom dik il-harsa. Tal-ahfrilhom ghax - bhallikieku - ma jafux x'inhuma jaghmlu.

Kienu kuntenti. Hi tiehu hsieb id-dar, izzejjen, issaqqi l-buganvilla, toqtol id-dubbien u ddur bir-rota, u hu mix-xoghol ghad-dar, mid-dar ghax-xoghol. Qatt ma kienu tkellmu wisq dwar religjon, hlief dwar l-affarijiet ovvji, tipo dik t'hemm, ara, dik knisja, jew ftit bi zbrixx, bhal meta, fil-bidu, nehhiet poster ta' l-ahhar cena mill-kcina ghax ma kenitx taqbel mad-dekor u hu qabel maghha waqt li ghafasha mieghu. Hu kien Kattoliku. Tghammed, ghamel it-tqarbina u l-grizma. Imma billi Evelina qatt ma semmietlu quddies u affarijiet bhal dawn, ma riedx iqajjimhom hu. Sakemm darba - is-Sibt filghodu - waqt li Evelina kienet qed iddur bir-rota - gabulhom il-Madonna.

"Gibnilkom il-Madonna," qaltlu l-gara, hekk kif fethilha l-bieb.

Kienu jgerruha mar-rahal kollu. Jibdew minn tarf u kull dar tghaddiha lil ta' hdejha, sakemm il-Madonna tasal fit-tarf l-iehor. U f'kull dar taghmillek jumejn - il-bicca l-kbira fil-kcina tlaqqat ma' wiccha z-zejt mit-tagen tac-cipps. Jew fis-salott, hdejn is-Super One.

X'seta' jaghmel? Jghidilha li ma jridhiex ghax ma taqbilx mad-dekor li ghazlet Evelina? Jirrifjuta lill-Madonna? Mhux lilha jitlob kull darba li jkun fil-waiting room tat-tabib b'weggha x'imkien? U issa jirrifjutaha? Ma tarax. Dahhalha, poggiha fuq il-mejda tal-kcina u kompla jaqta' d-dwiefer ta' saqajh. Imbaghad dahlet Evelina.

"What the hell is that?"
"Xi tridha tkun, Evelina, hi? That's the Madonna."
"And what is the Madonna doing in our kitchen?"

U ghalxejn spjegalha x'kien il-hsieb. Ghalxejn ipprova juriha li hemm min iqatta' hajtu mehdi f'dawn l-affarijiet. Evelina qabdet il-Madonna u poggietha taht it-tarag, b'tali mod li biex taraha ridt titbaxxa qisek diehel taht trakk.

"The Madonna can stay there for these two days."

U ghamel kif jaghmel dejjem. Ghalaq halqu. Ghax l-argumenti zejda jdejquh.

Imma dakinhar filghaxija - fid-dar bl-isem In-Nann (b'rispett ghal nanntu li hallithielu) - bdew jigru affarijiet strambi. Ibda biex inqata' d-dawl. U nqata' taghhom biss. U malli pprova jtella' s-salvavita, sparat minnha lehha nar li ghal ftit ma xwitlux idu. Kien tard wisq ghal Guzi l-electrician u allura qatghuha li dik il-lejla jingabru kmieni. U b'xemgha tinhall ftit ftit fuq kull naha tal-queen size, imtedd u ccassa lejn is-saqaf u lejn id-dellijiet strambi li kienu qed jiffurmaw quddiem ghajnejh. U f'nofshom beda jizviluppa wiehed kbir. Forma ta' vlegga. Anzi. Izjed kwazi sigra tal-Milied. Le. Beda jidher car kristall ... mara ... bil-velu. Il-Madonna ta' taht it-tarag! U beda l-holm ikrah. In-nar tal-infern. It-twerziq. Il-ktajjen. Il-krib. Ix-xjaten u x'naf jien.

L-ghada, x'hin Evelina dahlet mid-dawra bil-mountain bike, sabet tilqaghha fuq is-sottospekkju l-istatwa tal-Madonna.

"What the fuck is this?"

Dakinhar, ghall-ewwel darba, tlewmu bil-kbir.