|
(ritratt ta' Pawel Herzog) |
|
|
Pierre J. Mejlak
(mis-sensiela Kittieba ta' Zmienna, In-Nazzjon,
12 ta' Ottubru 2008)
editur: Charles B. Spiteri
Pierre J. Mejlak huwa lehen frisk fil-qalba tal-generazzjoni
gdida ta’ kittieba Maltin. Imwieled f’Ghawdex, Mejlak
emigra fl-2004 u bhala Malti ta’ barra jforni f’kitbietu
osservazzjonijiet akuti izda wkoll laqtiet poetici li jaghtu lill-kitba
tieghu dak is-sens imbieghed izda xorta prezenti u attwali. Mejlak,
forsi wkoll ghax Malti-Ghawdxi u ghalhekk wild poplu emigrant, ta’
spiss insibuh ihares bl-ghajnejn ta’ l-imsiefer wahdu, li
bilfors ikollu jahrab u jinsa xi affarijiet, izda fl-istess waqt,
jibqa’ jbandal siequ mid-dinja ta’ barra ghal Malta
u lura, fi sforz biex ikompli jistharreg l-identità tieghu.
TFULIJA
Mejlak twieled fl-20 ta’ Lulju 1982. Ommu u missieru trabbew
fil-Qala u fin-Nadur rispettivament u Mejlak qatta’ tfulitu
fiz-zewgt irhula tal-Lvant ta' Ghawdex. Jghid li kellu tfulija helwa
jigri fl-ghelieqi Ta’ Kusbejja, fuq ir-rih tal-Qala, jiskopri
ma’ shabu x-xeltrijiet imhaffra tul it-tieni gwerra, jibni
l-presepji u jhejji ghall-karnival tan-Nadur minn xhur qabel. “Inzertajt
l-ahhar snin qabel ma dahlu fid-djar il-kompjuters u l-loghob elettroniku,
li bidlu hafna affarijiet. Il-loghob kollu immaginabbli taghna kien
jintlaghab fuq barra, fit-toroq u fl-ghelieqi. Inhossni xxurtjat
li gawdejt dik it-tip ta’ tfulija.”
Is-sens rurali jinhass sew fil-kitbiet tieghu. L-ambjent
rahli, bil-knisja fic-centru u b’mentalità pjuttost
maghluqa ta’ poplu kwazi kburi li xejn ma jinbidel, jidher
ta’ spiss f’kitbietu. Huwa l-ambjent li jiddomina l-ewwel
rumanz tieghu, Rih Isfel, li kiteb wara zewg rumanzetti ghat-tfal.
F’Rih Isfel Mejlak jirrakkonta storja semplici – ta’
tifel li jigi rrappurtat nieqes – imma taht dak li jidher
misteru semplici hemm mohbija saffi shah ta’ storja, satira
u tifsir, li bihom inezza’ rahal u janalizzah.
Parti sostanzjali mill-ewwel sitt snin ta’
hajtu, Mejlak ghaddiha fil-kazin tal-Partit Nazzjonalista tal-Qala,
li kien immexxi minn nanniet tieghu. "Ghalkemm tista' tghid
li ma kienx l-izjed child care centre ideali fejn tarbija ssir tifel,
minn dak il-kazin tghallimt hafna. U probabbli kien hemm gew, tul
dawk l-iljieli xitwija mohbi taht il-mejda tal-billiard, li tghallimt
noqghod kwiet u nosserva." Kien f’dan il-kazin, fejn
in-nannu tieghu Ganni kien il-barman, ommu s-segretarja tal-kumitat
u nanntu Guza “tnaddaf, iddur u taghqad” li c-ckejken
Mejlak introduca ruhu mal-politika, ma’ l-argumenti dwarha
u mat-tip ta’ djalogi li wiehed jassocja ma’ kazin politiku.
It-tifkiriet tieghu ta’ dawn is-snin gabarhom fin-novella
Dar ix-Xoghol, li fiha, mill-perspettiva ta’ tifel ta’
hames snin, jiddeskrivi snin turbulenti, li dakinhar ma setax jifhem.
In-novella, li fl-2007 rebhet il-Premju ghall-Aqwa Uzu tal-Malti
fil-Gurnalizmu, se tifforma parti mill-antologija Qed Nistennik
Niezla max-Xita, li se tigi ppubblikata fi Frar 2009 u li se tinkludi
25 novella li Mejlak kiteb fi Brussell bejn l-2006 u l-2008.
Mejlak thabbeb mal-kotba sa mill-ewwel snin tal-primarja.
Jistqarr li r-riha ta’ kotba fil-librerija ta’ l-iskola
Anton Buttigieg fil-Qala kienet twennsu b’mod stramb. Kien
minn din il-librerija fis-sular ta’ fuq ta’ l-iskola
li Mejlak skopra l-kotba ta’ hafna kittieba, fosthom ta' Trevor
Zahra, influwenza ewlenija f’kitbietu. Huwa jghid li meta
skopra l-magija tal-kotba – l-effett li ktieb tajjeb ihalli
fuq il-qarrej - ma kellu l-ebda xewqa ohra ghajr li la jikber isir
kittieb. Fil-fatt beda jikteb ta’ età tenera u ta’
14-il sena kiteb Trab Abjad, avventura ghat-tfal, li l-PIN ippubblikat
ftit snin wara.
ADOLOXXENZA
Mejlak qatta' l-bicca l-kbira ta' l-adoloxxenza tieghu fil-MUSEUM
tan-Nadur, minn fejn jistqarr li tghallem hafna. Kien hemm li skopra
d-dinja tal-pubblikazzjonijiet. Apparti li ghal snin shah editja
r-rivista ta' kull xahar li kienu jippubblikaw fil-MUSEUM, beda
jiffamiljarizza ruhu ma' l-istampar. "Hemm tghallimt il-process
tal-pubblikazzjoni - mid-dummy ckejken li fuqu tfassal it-taqsimiet
ta' rivista sa l-istampar b'magna gestetner, l-istejpiljar u t-tini
ta' kull fuljett. Hemm thabbibt mar-riha tal-linka u tal-karta stampata.
U, fuq kollox, hemm tghallimt li jekk se taghmel bicca xoghol regolari
trid tahseb bil-quddiem biex qatt ma tinqabad fuq sieq wahda."
Tant entuzjazma ruhu li wara ftit snin beda jahseb biex jippubblika
r-rivista tieghu stess u li fiha seta’ jikteb li jrid bla
ma jintrabat ma’ tema religjuza jew ma’ linja moralistika.
U f'Jannar ta' l-1996 l-holma tieghu saret realtà meta harget
l-ewwel harga ta' Il-Fwieha tan-Narcisa, rivista ckejkna kollha
artikli ta' interess generali, li kien jiktibhom hu stess. “Dakinhar
kien ghad ma kellix kompjuter u allura kont nittajpjaha kollha bit-typewriter.
L-akbar ugigh ta’ ras ma kenitx il-linka li kultant kienet
tizzelleg xi ftit imma l-fatt li bit-typewriter ma stajtx tahdem
bil-lejl ghax kont tqajjem lil tad-dar u lill-girien. Meta mbaghad
xtrawli kompjuter ghalija bdiet hajja gdida, fejn f’daqqa
wahda stajt nahdem bl-akbar kumdità.” Ir-rivista, li
bdiet bhala fuljett umli li kien jikteb, jittajpja, jiffotokopja
u jghaddiha lil ftit qraba u hbieb, ma waqfitx tikber u hames snin
wara spiccat rivista ta' madwar 30 pagna stampata bil-kulur, bi
skema ta’ abbonament ta’ zewg liri fis-sena u mibghuta
lil ftit mijiet ta' qarrejja. Kien permezz ta' din ir-rivista li
Mejlak beda jiehu l-kitba bis-serjetà. “Kien grazzi
ghaliha li bdejt nikteb kuljum. U apparti li tatni sodisfazzjon
kbir, laqqghetni ma' hafna nies li minn dejjem ammirajt u li llum
nghoddhom bhala hbieb tal-qalb."
ZGHOZIJA
Ma' l-ahhar harga ta' Il-Fwieha tan-Narcisa, Mejlak sab ruhu fid-dinja
tal-gurnalizmu, jahdem bhala kap tat-taqsima ta' l-ahbarijiet fuq
stazzjon tar-radju nazzjonali, jipprezenta programmi ghar-radju,
jeditja bosta rivisti, u jizviluppa l-idea ta' gurnalizmu elettroniku
Malti. Apparti snin jahdem f’dak li kien l-uniku stazzjon
tar-radju nazzjonali bbazat f’Ghawdex (Calypso FM), fejn ipproduca
fost l-ohrajn mas-sittin programm dwar kantanti u gruppi rock leggendarji,
Mejlak kien wiehed mill-pijunieri tal-gurnalizmu elettroniku Malti.
“Id-dhul ta’ l-internet f’Malta kien zmien eccitanti.
F’daqqa wahda t-televizjoni u r-radju ma baqghux l-unici mezzi
biex tinghaqad mad-dinja ta’ barra. Issa, bl-internet, id-dinja
kollha kienet kwazi dahlet fil-kamra tas-sodda tieghek.” Kien
fost l-ewwel haddiema ta’ MaltaMedia, kumpanija li zviluppat
l-ewwel website dwar Malta fuq l-internet – aboutmalta.com
– u dahlet il-kuncett ta’ gurnalizmu elettroniku Malti.
Ghas-sehem tieghu f’din il-fergha ta’ gurnalizmu Mejlak
rebah il-Malta Journalism Award darbtejn. Kien waqt esperjenza gurnalistika
tieghu barra minn Malta li Mejlak beda jixxennaq ghal hajja f'belt
kbira. “F’daqqa wahda bhal skoprejt li z-zmien ghaddej
u li niesi ta’ dik l-età kienu kollha telqu jduqu hajja
f’pajjiz akbar. Bdejt nixxennaq ghal hajja ftit izjed anonima
u daqsxejn anqas prevedibbli.” Il-hajja fil-bliet, bl-eccitament
u s-solitudni li taf iggib maghha, hija tema rikorrenti fl-ewwel
gabra ta' novella li Mejlak kiteb fi Brussell. Uhud minnhom xandarhom
ghall-ewwel darba permezz tal-blogg tieghu - wiehed mill-ewwel bloggs
bil-Malti u li ghamel lil Mejlak kittieb popolari, b'mijiet ta'
qarrejja jfittxuh regolarment.
Mejlak ilu jghix fi Brussell sa mill-2004, fejn
jahdem bhala kittieb u traduttur. Madankollu Malta tibqa' fil-qalba
ta' kitbietu. "Malta hi parti minni. U ngorrha mieghi. Biex
tinsa lil pajjizek trid tinsa lilek innifsek. U allura nahseb li
hi normali li tidhol hafna f'kitbieti. Fuq kollox ma naf l-ebda
ambjent daqs kemm naf l-ambjent Malti.” Jistqarr li wahda
mill-isbah affarijiet li tghix fil-qalba tal-kontinent hija s-sens
ta’ berah. “Il-generazzjoni tieghi hija generazzjoni
ffortunata. Il-fatt li f’daqqa wahda l-Ewropa saret pajjizna
u nistghu mmorru fejn irridu, nahdmu fejn irridu u nghixu fejn irridu,
hija xi haga impressjonanti - l-izjed meta tqis it-tbatijiet kbar
u burokratici li ghaddew minnhom emigranti ohra Maltin li xtaqu
jghixu f’pajjiz iehor.”
KOTBA
Wara l-ewwel zewg kotba tieghu ghat-tfal, Trab Abjad u Meta Nstabu
l-Angli, Mejlak qaleb ghall-Malti zewg kotba mdaqqsa - gabra ta'
stejjer mill-Bibbja ghat-tfal, li biha rebah it-tieni post fil-Premju
Letterarju Malti, u l-ewwel enciklopedija ghat-tfal bil-Malti, li
biha Mejlak sar l-izghar kittieb Malti li qatt rebah il-Premju Nazzjonali
tal-Ktieb. Hafna stejjer qosra tieghu ghat-tfal dehru wkoll, fil-frattemp,
f'bosta antologiji, fosthom Senduq u Kalejdoskopju. F'Dicembru 2008
se jigi ppubblikat ktieb iehor li Mejlak addatta ghat-tfal u li
did-darba jittratta, b'mod frisk u originali, il-hajja ta' Gesù.
Imbaghad, fi Frar 2009, Mejlak ifakkar l-10 anniversarju mill-pubblikazzjoni
ta' l-ewwel ktieb tieghu bil-hrug ta' gabra gdida ta' stejjer qosra
u friski, li jirriflettu generazzjoni gdida ta' Maltin li jharsu
lejn pajjizhom mill-boghod.
|
|